••••••••••••••••( بين الزهور ) •••••••••••
من فوق خشبات مسرح مركز شباب المطار بالإسكندرية ألقيت تلك الأغنية من ديوانى " خميلة الوادى " فى الأمسية التى أقامها الشاعر القدير " البحار أيمن الصادق " يوم الإثنين الماضى •
( بين الزهور )
بين الزهور غنينا بقلوبنا المُغرمه
وعشنا سهر ليالينا ويّا نجوم السما
~~~~~~~~~~~~
أمانة تهدى يانسمة واسهر ياليل بينا
دى قلوبنا مبتسمة على شط امانينا
ياحب ودَّينا فى دنيا لوحدينا
بين الزهور غنينا
~~~~~~~~~~~~~~~~~~
بين زهور ندية كان أول ميعاد
لقيت القلب بيّا طاير كل البلاد
وبينقش أسامينا على زهر وادينا
بين الزهور غنينا
~~~~~~~~~~~~~~~~~~
ويّاك يازهر نميل وجوّانا الأشواق
قدّام شط النيل والشجر الورّاق
وحنسهر ليالينا والفرحة ف عنينا
بين الزهور غنينا
~~~~~~~~~~~~~~~~~~
الروائي والشاعر
والكاتب الصحفى
ايمن عزالدين سكورى
ليست هناك تعليقات:
إرسال تعليق