(يادنيا لمين نشكي منك )
يادنيا لمين نشكي منك وديتي العدل فين
وفين يادنيا وديتي الناس الطيبين
اللي كانوا زمان علي بعض حنينين
ليه يادنيا الناس اتغيرت وقلوبها جواها اتحجرت
وكل الموازين حوالينا إختلت واتقلبت
وولاد الأصول والطيبين فيكي إتظلمت
والحب في قلوبنا تاه والمشاعر جوانا إتعدمت
حتي الكلمه الحلوه بين الحبايب إتلونت
وبين أقرب الناس محبه وود خلاص مفيش
الكل اناني وطماع واللي يهمه بس يعيش
الله معانا ويصبرنا علي دا الحال
معقوله الناس من كتر المال يسعرها المال
المحبه والخير كانوا مدفيين القلوب
والطمع خلاَّ حال الناس مقلوب
الدم الأحمر جوه كتير اتغير لونه
والشريف فقير في الزمن ده الله في عونه
الطمع خلا الناس تقتل تنهب وكل شيء بيكون
وبقينا بناكل في بعض وعلي بعض بنهون
اتدهور بينا الحال واتغيرت أشكال ومعاني الرجال
والشهامه والأخلاق راحوا في خبر كان
الكل للمال بيركع ومفيش رحمه تخليه يلين
وانتي يادنيا بقيتي غابه وِقُليِّلّْ فيكي البني آدمين
لما غابت البساطه ومات الرضي اللي كانوا سر السعاده زمان
ولما جانا التطور جاب معاه الطمع وودانا في خبر كان
وزاد الوجع جوه الضلوع والكل بات موجوع
وآه يادنيا فين ايام زمان وفين راح الايمان
وآه لما الباطل يصبح في حياتنا عنوان
وآه ع الحق اللي إتظلم وعلي صاحبه هان
وآه علي إبن الأصول اللي مبقاش له مكان
ليه يادنيا الفلوس غيرت النفوس
والكل عايش مش راضي ومتعوس
خواطر( اشرف الدغيدي )
حقوق النشر محفوظه
ليست هناك تعليقات:
إرسال تعليق