قلب شاعر
********
قلبي يا قلب شاعر
إيه آخرة الآلآم
تعبت من المشاعر
حصادك كان في الآخر
سراب حاضن أوهام
مع الليالي داير
تترجىٰٖ الغرام
نفسك لو كنت قادر
تملىٰ الكون سلام
بس زمانا غادر
توهنا في الظلام
يا حلو أنت يا شاطر
راح زمن الهُمام
واللي فاضل يا ساتر
بيموتوا في الحرام
قلبي يا قلب شاعر
عيش بقى والسلام
إمشي بين المقابر
والأسم دول أنام
قلبي يا قلب شاعر
قول على الدنيا السلام
فيها الفرح مهاجر
في حضن النسيان هام
فيها العاشق مش قادر
يعيش لحظة هيام
فيها اللي بيحكم غادر
سارق حتى الأحلام
وبلقمة عيش بسيطة
متحكم بيها لجام
وناس عقلها سافر
في توهة النظام
يآرب وحدك قادر
تتبدل الأيام
يتحقق حلم شاعر
في حياة من غير لئام
ويفضل قلبك يا شاعر
حَمَامة ود وسلام
قلبي يا قلب شاعر
بُكره تشفىٰ الآلآم
الشاعرالسيد حسن....
ليست هناك تعليقات:
إرسال تعليق