صرخه وجع .......
بقلمى منصور أبو عبدالله
عاوز اصرخ بصوت عالى
بس دمعى عزيز وغالى
الدنيا واقفه تملى قصادى
وعندها فاق كل احتمالى
ليه يا دنيا كده معاندانى
وفوق مركب هموم شيلانى
وبنص بحر الحزن رميانى
هو انتى مبسوطه بذلى وهوانى ؟؟
طريقى ماشيه الاقيه حيطه سد
وكل ما اقاوح معاكى تزيدى عند
حلمى اللى حلمته قدام عنيه بيتهد
كل الناس فى حياتها دفا وانا حياتى برد
اقولك حاجه تريحك وتريحينى
كفاياكى كده وارحمى وموتينى
بدل كل يوم بسكينك تدبحينى
وكل ما اضحك يوم سنه تبكينى
طريقك مزروع شوك وانا حافى
وجوك برد وانا متقطع لحافى
هو انا لو شر كنت منى تخافى
ماشى ادينى وجبال همك على كتافى
بقلمى منصور أبو عبدالله
ليست هناك تعليقات:
إرسال تعليق