ما نحبّش نعوم…
ما نحبّش نعوم، نحبّ اننّي
خلّيني على صدرك متهنّي
أنا في حضنك عصفور نغنّي
هايم في حبّك يا بابا حنّي
ما نحبّش نعوم، نحبّ اننّي
نحبّ جوّي وسط داري وفنّي
نحبّ نطير ونتعدّى حدود
نمَسّ بيدي قمرة ونجوم
نحبّ الجنينة والنّوار
وجابيّة تملا وسط الدّار
ما نحبّش نعوم، نحبّ اننّي
ما نحبّش البحر
ولا ركوب الخطر
موجة تهزّ
والأخرى تكر
ما نحبّش نعوم نحبّ ننى
نحبّ السلم والأمان
وكلمة حبّ على كلّ لسان
وبسمة في عيون الإنسان
ويُوفّى الظلم والحرمان
ما نحبّش نعوم نحبّ اننّي
يابابا قداش تحير
الدنيا راهو فيها الخير
ما تسمعش كلام الغير
غدوة راهو ديما خير..
ما نحبّش نعوم نحبّ اننّي
بقلمى عماد الخذري
( بالدارجة التونسيه)
تونس فى 15/01/2026
ما نحبش نعوم = لا أريد العوم
نحبّ اننّي=أريد النوم
ليست هناك تعليقات:
إرسال تعليق