(ومين يداوي جرحي)
اللي كنت فكراه حب خدعني وطلع أوهام
سرق مني شبابي وسنين عمري والأيام
وهانت عليه سنين عيشرتي وذكرياتي
كنت فكراه حبيبي طلع غدآر وخان ودادي
اتحملت منه كتير في غيابه وافتكرته حبيب
طلع وهم كبير خدعني سنين وصبح غريب
باع حبي وظلم قلبي وكان سبب إنكساري
يخسارة حبي ليه وسنين صبري وإنتظاري
وآه علي حسرة قلبي اللي إنظلم
وآه علي عمري اللي ضاع معاه من غير تمن
رغم الوفا كان الغدر منه صعب كتير يازمن
غدار وخان عهد الهوي وكل اللي كان وباع
وليالي عذابي وحرماني وصبري الكل ضاع
وطالت الليالي وما جفت دموع الألم والجراح
وشموع المحبه إنطفت وغابت وياها كل الأفراح
والحب اللي كان منور حياتي
صبح حيره وعذاب وشجن
وقسوة قلبه وظلمه ليا خلوني عايشه في ندم
وأشكي لمين حبيبي اللي سرق مني حلم السنين
والنعيم اللي اتمنيته لما يجيني طلع آهات وأنين
ومين يعوضني ايام وليالي عذابي في هوآه
وآه ياعيون سهرانه وقلوب حيرانه معاه
علي بعده كنت صابره بلهفه وشوق وحنين
ومين يداوي جرحي ويمسح دموع العين
مين غَيَّرك وضيعك مني حبيبي وفين راح حلمنا
ومين كان السبب في ليالي عذابنا وهجرنا
غدار وراجع معاك طير تاني وناسي صبرنا
الله يسامحك ياللي هان عليك تسرق حبنا
بكره الزمن يسقيك المرار وياخد منك حقنا
واللي اشتريته ياغدار بالمال
بكره تعيش معاه ندمان ومحروم من راحة البال
ده الأصيل يفضل أصيل مايغيره المال ولا الزمان
والخسيس يفضل خسيس ومهما إديتوا ملوش أمان
خواطر (أشرف الدغيدي)
حقوق الملكيه محفوظه
ليست هناك تعليقات:
إرسال تعليق