علي كيفك
لا نقلك عاشق مفتون لا نخلي فكري محتار
خليني بهمي ممحون حالي متحير كدار
طلبت العالي حبي يصون من بكري كي كنا صغار
متسمي بيك المجنون متليع ذقت الامرار
علي كيفك
علي كيفك ترجع وتحب مرة تهاجر مرة تروف
تدون عشقك في الكتب مكتوبك و ظاهر مكشوف
تدور الدنيا وليا تشب تلقاني هايم ملهوف
ما يبعدني حتى سبب لا نعرف ذل ولاخوف
علي كيفك
لا تكافي تبدا بالعيب ماو خلي للصلح مكان
ضمد جرحي توا يطيب فرحني ننسى الاحزان
عايش في الاوطان غريب لا نحسب وقت ولا زمان
ثقل عليا الحمل صعيب شربني من المر الوان
علي كيفك
علي كيفك تحكم باحكامك يا للا راكِي مغرورة
خليها الفرحة قدامك كالشمعة تضوي مبهورة
طير وجنح قوي غرامك حرة ديما كي العصفورة
بين اليڨضة وبين منامك لا ثمة كيفك في الصورة
علي كيفك
حياتك عالكيفك سطرها بين الفرحة والتنهيد
خليها الضحكة تنورها كل مرة في ثوب جديد
بالعنبر فوح عطرها ديما أيام الزهو تعيد
اتشڨلب في غريق بحرها عين السو عليك تحيد
علي كيفك
علي كيفي قلبي يهواك يحضيكِ برموش العين
لا يقدر بعد ولا جفاك لايبڨي حائر مسكين
مرضك مني وأنا دواك ناديني نحضر في الحين
نطلب نترجى ملقاك بجاه الله وسورة ياسين
علي كيفك
شريف بن محمود العرفاوى....
ليست هناك تعليقات:
إرسال تعليق