دولة مساجد كالقصور بنوها
أما المدارس أنظروا حالتها
صمعة و قباب في السمااا علوها
و سڨوف المدارس خايخة بنيتها
بالطبع حال بلاد الي نهبوها
احزابها و نداءها ونهضتها
حيوط المدارس بالتلول شدوها
و مكاتب عريقة منكسة رايتها
أما الجوامع على كيفهم ڨدوها
بنية صحيحة ظاهرة قوتها
علاش المدارس اتعمدو و حڨروها
وأجيال عدة كرهت قرايتها
عافو الكتب و المدرسة كرهوها
مادام بانت وواضحة علتها
حال المدارس بالوطن ڨرنوها
ضربها المرض و غايبة طبتها.......
حنان العلوي
ليست هناك تعليقات:
إرسال تعليق