.. حيران .. بقلم .. وائل مسلم ..
من نظرة عين شغلتيني
ابعت مراسيل ولا تجاوبيني
طيب اعمل ايه وانتي حبك بيجري في شراييني
يرضيكي قلبي يدق كتير وينده عليكي وانتي تجافيني
طيب تفسري بايه حنيني
ده عشق ولا هيام ومش عايزه تكلميني
وليه الاسية وانت عارفه ان حبك ناره بتكويني
والبعد جفا وانتي هجرتيني
حيران انا في دنيا الغرام وانتي خلاص نسيتيني
بعد ما ضاع العمر في حب وغرام وانتي خلاص خاصمتيني
طيب افكرك بايه علشان ترجعي لحضني وتضميني
واحلفك بايه علشان تقولي انك لسه بتحبيني
مازال عندي امل انك لسه بتعشقيني
وان كان بينا خصام ارجوكي تسامحيني
وبلاش عتاب علي الغياب لانك لسه بتعشقيني
بس بتعاندي مشاعرك وانتي عارفه انك نبض حياتي
وانتي عنيده بس بتعذبيني
وهيجي يوم وتطلبي من قلبي تعرفي صدق كلامي
ويرد عليكي قلبي وتعرفي انك عشقي وهيامي
وحبك هو الزاد اللي بيشفيني
يبقي ليه تكابري في مشاعرك وتحيريني
ده حبك وعشقك هو الترياق اللي بيداويني
.. كتب .. وائل مسلم ..
ليست هناك تعليقات:
إرسال تعليق