💝 في حضن مصر 💝
مصر بلدي، بلد الناس الطيبين
لو غبت عنها يوم، يزيد لها الحنين
فيها الجود والكرم وأهلها غاليين
وفيها الأصل ثابت ولو مرت سنين
فيها اللي وقت الضيق يسند ويعين
ولو شاف محتاج يكون له معين
ويواسوا الحزين لحد ما الوجع يلين
وفي الفرح تلقاهم على الوِدّ مجتمعين
وفيها الفلاح يشقى ويعمر البساتين
يروي أرضه بعرقه ويدعي ربه بيقين
وفيها الصيّاد يقاوم أمواج السنين
يرمي شبكته وربّ الخير دايمًا معين
وفيها الطبيب يداوي القلب الحزين
يخفف الوجع وفي عملة دايماً أمين
وفيها الست الجدعة بنت الأصل المتين
تشيل الهم وتضحك وطبعها رزين
مصر حضن ودفا وأمان لكل المحبين
أهلها على الحلوة والمرّ دايمًا متجمعين
تمشي في شوارعها يزيد في قلبك حنين
وفيها كرم وجود… ما يتغيّروش سنين
مصر بلدي.. بلد الناس الطيبين
حبها في دمي وساكن جوّا نن العين
كل ما أسمع سيرتها يحنّ لها الحنين
حبك في قلبي ساكن ولو أتغربت سنين
✍️ بقلم الشاعر/ مبروك علوه
ليست هناك تعليقات:
إرسال تعليق