كنت فاكره الحب دا
مجرد حكايه
أو قصه حلوه بتتقرا
في فصل في روايه
واما شوفتك روحي راحت
وحلمت بيك وانت معايا
نظرتك خلتني
اشوف الدنيا ورد
وارسمك وإيديك بتحضن
فيا ضعفي بقوتك
حبيت ملامحك كلها وحنيتك
وحلفت أكونلك نور ودار
وحاربت كل الدنيا دي
وآمنت إنك انتصار
ومشيت طريقي
وقلبي مطمن معاك
خليت ملامحي كلها
دايبه في هواك
وبقيتلي شمس تدلني
وكمانجا تعزفلي حكايات
خليك هنا
علشان حياتي بدون وجودك
ناقصه روح ..
والضحكه من غيرك شجن
خليك سكن ..
أحضن حيطانه
واترمي في ضله وحماه.
انا قلبي تاه ومعاك حضر
ولقيت مشاعري كلها
متحاوطه بيك
انا كلي ليك.
أحضني بس وضمني
وانا بين ايديك
وألضم ضلوعي بضحكتك
خليني أعيش
دي الدنيا من غيرك مفيش
والروح في بعدك متساويش !
ليالي أحمد الأسعد / فلسطين
ليست هناك تعليقات:
إرسال تعليق