قرُب العيد
زعما شنوّه يجيب معاه
كيف العادة والا يفرّحنا بزيادة
زعما يجيب معاه البهجة
تفرح امّي تحلى اللّمة
وبابا يزهى وتزهى المهجة
بابا العيد هاو قرُب
قول لي بابا آش تتمنّى
............آش تحبّ
جانا العيد ويا محلاها
كيف تخمّم في والديك
تعِدّ أيّامك بالسّاعات
وتهديهم أحلى لحظات
تعطيهم من وقتك حِصّة
العيد معاهم أغلى فُرصة
إحذر يا ولدي تضيّعها
فرّحهم منّك بهديّة
لو حَتَّى وردة مندّيّة
مندّيّة بحُبّك وبعطفك
على أمّك الي هزّت حِملك
على بوك الي سندلك كِتفك
جانا العيد
أغمرهم ولدي بمحبّه
بزيارة حلوّة كيف تُدخل
في يدّك فولارة وجِبّه
نضمنلك يا ولدي الجنّة
في الدّنيا هذه تتهنّى
كيف يرضى القلب
وكيف تضحك عينيهم
على ربّي أطلب واتمنّى
البِرّ راو قيمة عظيمة
والديك فوق راسك ديمة
أسمعها منّي هالكلمة
بوك وامّك من ربي نعمة ...
بسمة دروي️ش
ليست هناك تعليقات:
إرسال تعليق