إتصال العاشقين
هو،،، الو
هي،،، الو مين معايا
هو،،، لسه
ما عرفتيش انا مين
خلاني من المجانين
أنا اللي تايه من غيرك
وقلبي مكسور وحزين
أنا اللي توهت في
دروبك وماشي شمال
ويمين
أنا اللي حَبك وكتبت
في حُبك دواوين
أنا اللي مستني على
قلبي تحني بقالي سنين
بقيت أصعب على
المخاليق يقولوا عاشق
يقولوا مسكين
أنا اللي حُبك سٰكن قلبي
وتمكن من روحي تمكين
أنا اللي حلفت أحميكي
واكون ليكي حصن حصين
لسه ما عرفتيش انا مين
أنا نقطه أنا ضمة على
اسمك بكون تنوين
أنا اللي عايش علٰشانك
ياأجمل وردة في البساتين
أنا اللي حباني ربنا بحبك
وعلى قلبك راح ابقى امين
أنا اللي بتنفسك يا ست
بنكهة الياسمين
أنا اللي عاشئك ومين غيري
يحبك مين
لسه ما عرفتيش انا مين
خلاص عرفتك وليك في
القلب شوق وحنين
كفاية حبك لا عايزه مال
ولا فداين
وبتمنى تكون جنبي ولو
في العمر باقي يومين
بقلمي م/هشام غازي
ليست هناك تعليقات:
إرسال تعليق