الجمعة، 21 يناير 2022

( أنا الأسطوره ياعمري ) بقلم الشاعرة ليالي أحمد الأسعد

 ( أنا الأسطوره ياعمري )

********************
هنيئا للى فاز بيه
بقلبى فاز
بحبي فاز
بعيد عن أمور الكذب
والألغاز
ببارك لك على ذوقك
على شمسك
على شروقك
على كلمة غرام ليه
ياساكن قلبى وعنيه
أنا اسطوره
كتبوها بعطر الشوق
وحبيتك وحبيت قلبك
ياكل الشوق
أنا اسطوره
محفوره ف قلوب الناس
أنا الانسانه والفنانه
انا الشاعره انا البستان
أنا الزهره والياسمين
أنا لقلبك غرام وحنين
أنا اسطوره م الاساطير
مفيش زيى أكيد
ف الكون
أنا مخلوقه لجل
أحب كل الناس
انا لقلبك
هوى واحساس
ولو هاتلف كل الكون
واللا تسافر مع الأساطير
هاتقرانى ف كل كتاب
أنا التاريخ
أنا الاسطوره مش تزييف
أنا العصافير
أنا اللى باطير بكل مكان
انا الكروان
يابختك ياللى داعيين لك
تخش القلب من جوه
وتبقى دنيتى الحلوه
نعيش ف أمان
مع الأحلام
أنا الاسطوره
كتبوها زمان وزمان
هنيئا للى فاز بيه
وصار ( الننى ) ف عنيه
وصار العطر ف ايديه
صار قلبى ووجدانى
وبكل الحب هنانى
هنيئا ليك
يافارس عمرى والاحلام
انا الاسطوره بيك فازت
وصارحتك بكل كلام
انا قلبك
انا روحك
انا شعرك
انا بوحك
انا الاحلام
بتعرف ليه أنا الأحلام ؟؟
لأنى انا
عشقاك انا
وبهدى لك ف كل صباح
زهور الحب ياعمرى
===========
ليالي أحمد الأسعد
Peut être un gros plan de 1 personne, rose et texte


ليست هناك تعليقات:

إرسال تعليق