ياسمينة ريحتها بنينة
سرّي هو خلطة جميلة...
قهوة صباح وتكسيلة
ياسمينة ريحتها بنينة
في بلادي زين البلدان...
ضحكة فمّك والتّبسيمة
صدقة في وجهك ترتيلة
روحك تنبت كيف زهيرة
من شجرة هاكي الرّمّان...
املأ قلبك بزهر الطّيبة
دخّل الفرحة تنغيمة
واللّي يزرع كلمة زينة
يعيش أيّامو باي زمان...
خلّي زهوك يعمل حيرة
خرّج الحقد والتّكركيرة
حسّ بالناس موش بالغيرة
واعمل للخير طريق جِنان
زرعو الشّكّ في كلّ مدينة
في الوديان في الجزيرة
والكلمة صارت نميمة
حطّوا العجلة في الميزان
جفّت الثّمرة في شجيرة
وقطفوها من غير ملام
والزّهرة ذبلت يا مّيمة
تكسّر الغصن من الأحزان
نسّي عمرك في الخديعة
ابني بلادك عِزّها ديمة
الخير وديعة عندو قيمة
هذا إحساسك بالإنسان...
مهما زهاتلك الأيّام
فكّر برشة ما تنساش
اللّي ما داواتو وجيعة
يقرا حكمة ناس زمان...
واللّي خلقو ربّي خليقة
في السّماء ولاّ في بِحيرة
موش بالمظهر ...موش باللّيرة
حياتك تزهى بلا أثمان
رحلت عنك كلّ خديعة
خذيت بالخاطر هذي سيرة
رفعت بلادك في كلّ شيرة
يصونك ربّي يا إنسان
سرّ الخلطة والله عجيبة
قهوة صباح وترهويجة
ياسمينة ريحتها بنينة
في بلادي زين البلدان...
حميدة بن ساسي
.
ليست هناك تعليقات:
إرسال تعليق