// كلام موزون \\
قُلْنَا كْلاَمْ مَوزُونْ مَا صَابُوهْ
مِكْيَالْ صَايِبْ بَعْضْ مِالمِيزَانْ••
كْتَبْنَا كْلاَمْ جَارَحْ ومَا رَادُوهْ
قَالُوا عَلِينَا حَرَامْ بالحِرْمَانْ••
خَايِبْ كْلاَمْ العِيبْ كَان سَابُوه
وقْلُوبهُمْ دَقِّتْ بْلاَ نَبْضَانْ••
هَذا كْلاَمْ مَلْظُومْ مَا رَدُّوه
لاَمُوا عَلِينَا وجُوفْهُمْ عَطْشَانْ••
قُلْنَا سْلاَمْ عَالقَلْب لِي عَادُوهْ
وقْلُوبْنَا أصْفَى مِن الشِطْآنْ••
لُونْ الكْلاَمْ قُلْنَاه مَا عَدُّوه
مْرَتَّبْ عَلَى سَطْر الورَقْ ألوَانْ••
عَدُّوا عَلِينَا الوَقْتْ وسَدُّوه
فِتَحْنَا عَلِيهُمْ بَابْ مِالبِيبَانْ••
بَابْ القَصِيدْ يْقُولْ مَا يْقِدُّوه
وبَابْ القُلْوبْ يْحِنّْ عَالعِدْوَانْ••
قُلْنَا كْلاَمْ مَوْصُوفْ مَا رِدْعُوهْ
وْصَفْنَا الكْلاَمْ صْفُوفْ تَوَّا بَانْ••
هَالوْقْتْ تَعْمَلْ خِيرْ يِتْصَدُّوهْ
أعْمَلْ عَلَى كِيفَكْ عَلِيكْ الأمَانْ••
--محمد الزيتوني
22 / 08 / 2021
ليست هناك تعليقات:
إرسال تعليق