(اتعلموا بابشر )
قلوب قاسيه وجاحده ودنيا غداره
عامله زي السواقي ليل ونهار دواره
واخوات طمعهم خلاهم اندال وغدارين بجداره
وحوش وديابه وماتت في قلوبهم كل معاني الرحمه
قتلوا اخوهم وولاده ورموا بنته في عز الزحمه
علشان مال سابوا ابوهم وكان لعنه وصبحوا اعداء
غلطة ابوهم مزرعش فيهم المحبه و العطاء
فرق في المعامله بينهم وعلمهم كل انواع العداء
اتعلموا يابشر ودي دروس لكل الأمهات والأبآء
واللي بيتجوز كل يوم وخلاَّ الإخوات مش اشقاء
ولاد من دي ودي وفلوس كتيره والعيشه مرار وشقاء
يموت الأب والطمع خلاَّهم ياكلوا بعض علي البقاء
ياناس ارحموا ولادكم ليه تخلوهم اعداء من بعدكم
واللي ربتوهم ع القسيه بتضيعوهم وفاكرينهم هيصونوا مالكم وعِزُكُم
ازرعوا الخير والمحبه في قلوبهم وانتوا عايشين
يفضلوا عايشين بعدكم حنينين متماسكين
وازرعوا القيم والمبادئ والامانه اهم من الملايين
ماتسيبوش ولادكم اعداء فيهم اللي قتل واللي اتسجن
المال لما زاد من غير محبه سرق السعاده وراحة البال وزرع الكره والفتن
اللي زرع خير هيحصده واللي زرع شر هيعيش في هم ومحن
شوفوا لما ربنا إنتقم وخلاَّهم قتلوا بعضهم
وانكشف المستور سنين وانفضح امرهم
إخوات خاينين وهتكوا لبعض عرضهم
لا المال نفع ولا كتر الولاد شفع
وخلا كل واحد طمعان في التاني والمحظور بينهم وقع
وحكاية البرنس دليل والكل شاف واطلع
خواطر ( أشرف الدغيدي )
حقوق الملكية محفوظة
ليست هناك تعليقات:
إرسال تعليق