تهدي يا لاوجاع تهدي
وخليها ليام تعدي
خليها ليام تمر
نتذوقها حلو ومر
ساعه رزينه ثقل حجر
تقلع تقصف وتكسر
واسعه تعدي في لكم بصر
جنه وسواقي وخضر
واسعه تميل وتتخطر
تكشف لمخبي وسر
ومره تعلي وتعمر
تسكن في جنان وفي قصر
ومره تهدم وتدمر
تقصر في عمر البشر
مره صحو ومره قطر
تفيض تغرقنا لمطر
مره شمس ومره قمر
يهل ربيعك يتبختر
أشجار تتدرجح بثمر
ويوم مغلق فيه خطر
بعينك ما تقدر تنظر
ومره تنجح ماتخسر
فيه تنسى الحنظل والمر
ومره تجر علينا تكر
تحفر ترمينا في الشر
ومره من النسمه تحاذر
تقانص بالغفله وتمر
ومره تشعلنا بالحر
ماتوفي معانا تغدر
ومره لحبل على الجر
عايش ضايق متوتر
ومره تقول ربي يستر
فيه تعادي وماتغفر
ومره علينا تتكبر
وع الغفله مره تهجر
تتخلى علينا وتتنكر
تغيب اليوم تغيب شهر
وتبقى مجرد صور
جميلة وساعه تتغدر
ومنها تتلخص عبر
دروس تبقى لآخر لعمر
تهدي يا لاوجاع تهدي
وخليها الايام تعدي
خليها ليام تفوت
مره كلام ومره سكوت
مره تهنيهم بالصوت
ومره تعزيهم بالموت
مره نتعارك ع القوت
ومره بالغالي يودوك
ومره لا امك لابوك
بالعاني يزيدوا يسبوك
ومره للخير يهزوك
حلفوا وحدك ما يخلوك
ومره باسمك ماينادوك.
لا يطلوا عليك ولا يجوك
وينسوا وقت لى عرفوك
تهدي يا لاوجاع تهدي
وخليها ليام تعدي
مره يا ليام تودي ومره تتصدالي ضدي
ومرة توقفلي في حدي
ومره لبنيناه تهدي
مرة توخذ مرة تمدي
ومرة تتكرم وتجدي
ومره توخذها تحدي
ومره لخذتيه تردي
ومره ما ترحم وتسدي
ومره تتمني في ودي
ولمعوج في ثنيتي تقدي
ومره ما تستني ردي
وتكبش فيا وتشدي
وساعه تصفعني على خدي
ومرات ايديها في يدي
عليها نتدلل وتلبي
تهدي يا لاوجاع تهدي
وخليها ليام تعدي
خليها ليام بداله
مره ايه ومره لالا
ساعه تتسلط ك الآله
ومره ك طبس من واله
ومرات مريض في حاله
وساعات معدل منقاله
فاطمةالاحمدي
ليست هناك تعليقات:
إرسال تعليق