خيوط القلب دايبه (304)
.......................
من كلمتين يا دوب
خدني لدنيا تانيه
وعيوني دايبه دوب
في رقه همسه هايمه
على جمر الشوق بعاني
ونظره قلبه غايبه ..
أسهر وحدي الليالي
وأدور ورا قلب خالي وبتوه إنه جاه قبالي
بحن وكلي شارده
هستنى نسيم لروحي
وأفرد جواه جروحي وأغزل حسي وطموحي
لفرحه قلبي جايا
هتعطر من غرامه
وشموع ضي لكلامه
وأحضن فرحي بسلامه
وأمشي لدنيا هلا
يا مين يوصف له حالي
لا إرتحت شاغل لي بالي
ده بقاله يومين ما جالي وسابني في
شوقي هايمه
هتبص تحن إمتى
وخيوط القلب دايبه
بقلم .. صبري رسلان
ليست هناك تعليقات:
إرسال تعليق