زجل
~~~
♤ لِيلَة الْقَدْرْ ♤
~~~~~~~~
فــــازْ فْـضَلْها كُلْ مومَنْ مْصَفِّي
فْـــضَلْها العَزْ خيرْ مَنْ أَلفْ شْهَرْ
تْــزَهْزْهاتْ بْيوتْ الله بَالمُصَلِّينْ
كُـلْها ؤُوْزانْ إيمانو جايْ يَسْڭي
مْــــشَمْرينْ عْلى الخيرْ والتَّوابْ
بَـــــنْفوسْ مْــلاقيا تَقْوى تَدْعي
ؤُمْـــلايْكَة الرَّحمانْ نـازْلَة تَشْهَدْ
نَـوْراتْ ليلَة القَدْرْ بْتيهالْ مَخْفي
مَــنْ دْرَكْ بْحورْ تَوابْها ما مْكَفِّي
ضَــوْها فْ عْلالي الحَقْ بُرْهانْ
سْلامْ الله وَمْلايْكْتو نورْ مْدَفِّي
ديكْ الڭْلوبْ الهايْمَة فْ الدَّايَمْ
بْالصَّلاة عْلى طَهْ شفيعنا تْوَفِّي
بقلم ذ.محمد حديش
~~~~~~~~~~
26 رمضان\1445
ليست هناك تعليقات:
إرسال تعليق