•••••••••••••••• ( مصرى أنا ) •••••••••••
مصرى أنا • مصرى أنا
ضهرى عمره ما انحنى
ترابى غالى وجبينى عالى
على مر كل الأزمنة
~~~~~~~~~~~~~
أنا اللى شيدت الحضارة
وتاريخى يشهدلى بالصدارة
وإنى كنت للكون منارة
ما هو أصل على كتافى اتبنى
حضارة سبع تلاف سنة
مصرى أنا • مصرى أنا
~~~~~~~~~~~~~~~
يونان ورومان لما جونى
وعاشوا بين ارضى وطينى
مشيم متلونين بلونى
من بعد ما انبهرم هنا
بالنيل والنخيل ياسوسنة
مصرى أنا • مصرى أنا
~~~~~~~~~~~~~~~
روح الهرم وشوف جماله
ولف خان الخليلى بحاله
حتلاقى عراقة فيها قالوا
كلام يتحاكى بمجدنا
وماضى تاريخنا وعزنا
مصرى أنا • مصرى أنا
~~~~~~~~~~~~~~~~~
مصر وانت غالى عليها
مهما رحلت ف يوم حتجيها
قولى الضحكة فين تلاقيها ؟
و فين حتلاقى ناس زينا
بمشاعر صادقة مش متلونة
مصرى أنا • مصرى أنا
~~~~~~~~~~~~~~~~
مهما عليكى فاتت محن
بتقومى تانى ويا الزمن
لانك انتى راية الوطن
ما هو غيرك راح واتفنى
وانتى اللى باقية يا امنا
مصرى أنا • نوبى أنا
~~~~~~~~~~~~~~~~~~
الروائي والشاعر
والكاتب الصحفى
ايمن عزالدين سكورى
من ديوان مجمع
( منتدى شعراء النوبة )
ليست هناك تعليقات:
إرسال تعليق