( عفره. )٥٢٠
نفسي ارجع تاني العب
تحت توته وف التراب
نفس اعيش لو حتي ساعه
وراكب حصاني الجريد
وصوتي عالي للسحاب
واجري نط ف اي ترعه
جنب سمكه وجنب وز
بس كان يفرق ما بينا
جواهم الحشو رز
اصل مانعرفش حاجه
لاختراع اسمه الكباب
واطلع اجري بزيطه حافي
ده الولد ورور شباب
وللبلح اطلع لنخله
عمري أملي ما فيها خاب
كنت احدفها بطوبه
توهبلي من غير حساب
وهي تكرمني ومابخله
ولسؤالي ترد بجواب
ولا تزعل مني نوبه
ماانا راسمها ف الكتاب
اصلها من وهي تاله
كنت بسقيها و صحاب
واربط ف الشجره لحبل
عشان امرجح جنابي
وف أيدي رغيف بجبنه
غدايه هو وكان منابي
عمري مانسي لهدر خدته
لما مره الحبل داب
واجري تاني واروح وانط
وف أيدي ماسك لغاب
وف كل دار اروح واعط
الحوس م الفرن هباب
مفيش حدود ولا اي خط
واجري واركب ع الكلاب
ولا حد يقولي لاءه
ولا مره فيه عاب
كل غيط خيره ملكي
وقت مااحب و اعوز.
اشوي كوز. واخلي كوز.
وليا من خيره مناب
و برتقانه وفول وموز
جوه غيط عمي دياب
جنه وطفولتي فيها
وفيها مالذ. وطاب
و لا كنت اعرف لجزمه
ولا كنت اعرف شراب
بس والله كات حياه
ولا كان ايفون وتاب
نفسي ارجع تاني العب
وضحكتي تطول للسحاب
نفسي يرجع تاني اسود
بعد مابيض وشاب
وارجع العب تحت توته
نفسي اعفر ف التراب
بقلم/محمود عفيفي دومه
ليست هناك تعليقات:
إرسال تعليق