نص ضحكةاحمدالسعيدالفقي
أضحك
خلي اليوم يعدي
خلي الهموم تنزاح
أنا لو بيدي
كنت أزرع الأفراح
فل وورد بلدي
وشجر تفاح
وكنت أبدر ودي
على الأرض البراح
وأقول للدنيا تندي
على القلوب
لأجل ماترتاح
أضحك
ولو نص ضحكة
يضحكلك الصباح
وتلقى للفرح سكة
الضحك لسه مباح
أضحك في سرك
أضحك في قلبك
الضحك عمره ماهيضرك
وأسأل اللي قبلك
عاش حزين
ومات
من القهر والسكات
لو كان ضحكله ضحكة
كان عرف للفرحة سكة
كان أكيد عمره طال
ملعون أبو الحزن ياصاحبي
ونحزن ليه ياعم
خدت أيه من حزن قلبي
خدت أيه من الهم
من وأنا لسه باحبي
عرفت الأهم
الفرحة تجيب فرحة
والغم يجيب غم
احمدالسعيدالفقي
ليست هناك تعليقات:
إرسال تعليق