أنا عارفك ـــــــــــ الشاعر محمد عبد العزيز رمضان

 أنا عارفك

بقلمي الشاعر محمد عبد العزيز رمضان

أنا عارفك ومش عارف

وخايف أيوه تنسيني

حبيتك ومش هنكر

ومن عندك بتسقيني

خلاص الهجر بيعلم

ومش ممكن تحبيني

رسمتك نجمه في عيوني

وضاع حلمي وبعتيني

ياغنوه كتبتها بروحي

يا روح الروح قتلتيني

وتاهت خطوتي مني

يادنيا ليه تعانديني

أنا عارفك ومش عارف

لقيت الحب مش موجود

هتندم بكرا من ظلمك

وبنَّا خلاص طريق مسدود

هدمت الحب جوايا

ومهما تقول مالكش وجود

كدبت كتير وصدقتك

وكدبك عندي مالو حدود

أنا عارفك ومش عارف

ومش لاقي لنفسي جواب

هقولها بجد مش خايف

كلامك كله لوم وعتاب

قفلت ما بنَّا وأنا شايف

قفلت ما بنَّا مليون باب

شر الحليم ــــــــــ عبدالحميد وهبه

 ( شر الحليم )

رد فعلي بجد هادي

بس ممكن يوجَعك

ببقى هادية وشكلي عادي

لمّا تحكي وبسمعك

ببقى قارية وعارفة شكلك

لمّا بتحوّر كلامك

ببقى نفسي بجد أقولّك

إتعدل وإلزم تمامك

يعني إمشي في السليم

وإتقي شر الحليم

أصلُه لو عاملك بفعلك

سهل إنه يضيّعك

رد فعلي بجد هادي

بس ممكن يوجعك

رد فعلي ساعات طبيعي

ومرة تانية يكون مُخيف

والهدوء اللي ف ربيعي

فجأة يتحوّل خريف

لو تغمض يعني عينك

لو مجرد بس ثانية

ده كلام بيني وبينك

ببقى فجأة واحدة تانية

يعني إمشي في السليم

وإتقي شر الحليم

أصله لو عاملك بفعلك

سهل إنه يضيّعك

رد فعلي بجد هادي

بس ممكن يوجعك

بقلمي عبدالحميد وهبه

فقير ــــــــ رمضان الدمرداش

 فقير--كلمات من الواقع

أنا أنسان فقير

عايش في قلب الشقي والمر

بس عايش بما يرضي الله

في حضن الدنيا أسير

بس قلبي صابر علي الحياه

برغم الالآم عندي ضمير

راضي بالمكتوب والصعب أتحداه

بنام حاضن سريري

بحب الخير لغيري

علشان ما ظلمت أنسان

وفي حضن أحلامي حر

عايش في قلب الشقي والمر

قلب شاعر\ رمضان الدمرداش

ودارت ألايام ـــــــــ عبدالمنعم عدلى

 ودارت ألايام

ومرت الساعات

ولفت الايام

والميزان لساه

ذى زمان

لم يتغير

ولم ينحرف

قلت ليا

إنهارده إتعدلت الموازين

بس ياخسارة

مكنش دنيتك

ولفي ياساعة لفي

ورجعي زمن الحنيه

من تانى ولفي

وخلي فكرك وطمعك ليك

أصيل وله جدور

والجرس درب ياصحبي

عيبك داء الكبر

بس خليك فاكر

الحظ لعب معاك

مش من جيبك

د. والله من جيب غيرك

ودور ياأيام دوري

وخلي الساعة

تلف من تانى

وأاه عليك ياأيام

عندما تفقري الغلبان

وتسعدي جعان طمعان

بقلمى عبدالمنعم عدلى

حباية شجاعه ــــــــــــ صبري رسلان

 حباية شجاعه (679)

...................

ما بقيتش أتحجج وأتورط 

ولا أنط السور

ولا أقلع جزمه وأتسحب

ولا أطفي النور 

داخل من الباب سيد عصره 

هرقل جواه عاجز وصفه ولا قوة ثور

أول قلمين ولا خد عضه 

ورماها بعيد نام وإتغطى 

كدمات سحجات وش مورم 

لساها ما فاقيت من الخضه 

مصدومه ده مين أحمد جوزها 

جاته قوة ثور شلفط بوزها

ولا همه المنفضه 

وحبالها ولا همه تسد الباب بطة

كسراله ضلوع أول سابق

شبعان من ضربها ياما أفضى 

حبايه بتقلبه ولا عنتر 

وتجمد قلبه ويتصدى 

دي نصيحه الشيخ 

قاله إسترجل 

وحقوقك حد وزيد شارطه 

والخوف جواك لجم حالك 

خلاك ولا حولا ودي الغلطه

من يومها البطه في طوع جوزها 

وإتغير حال بنك حظوظها 

سنتين في رچيم دابت بطه 

تتشال تتحط ما فيش ورطه   

عرفت أيه دورها ودور جوزها 

بالحب البيت بان ع الخارطه 

بقلم .. صبري رسلان

جاء العيد ــــــــــ فاتن فوزي

 جاء العيد

وقد رحل عنا الأحباب

جاء ولم يعد لدينا اعتاب

اصبحنا اغراب

ولم يحن الوقت لاستقبال العيد

فصاحب الدار لم ياتي الينا

وكاننا في زمن غير زماننا

لم تعد فرحتنا بالعيد

كما كانت من قبل

لم تعد بهجة العيد كما مضي

تعبنا من عد السنين وما تبقي

فهل ياتري ستاتي فرحة العيد ؟

وياتي معها يوم العيد ؟

أم ستبقي هكذا ياتي العيد

وكانه لم ياتي

أين تكبيرات العيد ؟

وفرحة المؤذنة وهي تسمع

الله اكبر كبير والحمدلله كثير

وسبحان الله بكرا وأصيلا

منذو بداية يوم العيد وحتي نهايتة

بعد كل اذان وصلاة الفروض

أين امي

وأين من كانوا يصلون العيد ثم ياتوا لزيارتنا

وتهنأتنا بالعيد ذهبوا ولم يعودوا

واخذوا معهم العيد وفرحتة

بقلمي فاتن فوزي

قصيدتي من بحر الهموم ـــــــــ محمود عفيفي دومه

 قصيدتي من بحر الهموم

البحر رقم ١٧ / ٥٢٤

...............................

انا كاتب من بحر الهوي

وميزاني ميزان حساس

ولعلاجي شحيح الدوي

و ده حالي وحال الناس

وبقول جاي زي ما يقوله

وليلي طويل يغور طوله

وشقايا ماشفت مفعوله

وزي زيهم محتاس

وعايش ولامس مواجعهم

وعارف حكايات مواضيعهم

ومين شاري ومين باعهم

وشارب زيهم م الكاس

بيسمعني عمنا وخالتي

وحالتهم. شبه حالتي

مايهمش. ده بحر ايه

ولا اسمي. ولا عيلتي

ومحروس سامع محتاس

شايل شيله شبه شيلتي

وليه فيا. كمان تلتي

ااقول واحكي بقا عنه

واقول سيرته مع سيرتي

وانا منهم ووسط الناس

انا بحري ملوش اخر

سفن غرقانه وبواخر

ياتنقذني وتاخد ايدي

يااما عني تتاخر

وهمومي عايزه كام كراس

يلا.....اكتب عندك وقت

بقلم/محمود.عفيفي.دومه

جاء العيد ـــــــــ عبدالمنعم عدلى

 جاء العيد

جاء العيد

وقلت له

عذرا أيها العيد

جئت بدري

فقد رحل

أهل الدار

فلن تجد احد

إرجع وتعالي بكره

فإن أمكننا

النصر فتعالى

فستجد الفرحة هنا

فرحة ممتلئة بالدموع

على من كنت

تأتي لهم

فلم نجد لهم أشلاء

فالغد قريب

فتعالى يمكن

تجد بسمة واحدة

فلن نأكل

ولن نشرب

ولن نفرح

إلافى النصر

وغدا تأتى غزة

ونقول

مرحبا غزة الهاشمى

فعذرا أيها العيد

فنحن حزانا

بقلمى عبدالمنعم عدلى

نفسي أكون ــــــــ الشاعر رمضان الدمرداش

 نفسي أكون---كلمات من الواقع

نفسي بسمة بين شفايفك

نفسى أكون دمعة فرح فى عنيكي

فى كل مكان قلبي شايفك

نفسي أكون طفل بين أيديكي

نفسى أكون فكره من أفكارك

نفسي أكون وردة من أزهارك

نفسي أكون حرف من أشعارك

نفسي أكون حارس على باب دارك

نفسي أكون طريق فى مشوارك

نفسي أكون سر من أسرارك

نفسي أكون خبر من أخبارك

نفسى أكون حلم من أحلامك

نفسى أكون كلمة من كلامك

نفسي أكون حب فى غرامك

نفسي أكون عايش فى خيالك

نفسي أكون أمل من أمالك

نفسي أكون داوء لكل جراحك

نفسي أكون في طيبتك وسماحك

نفسي أكون طير في براحك

نفسي أكون

قلب شاعر--رمضان الدمرداش

يا امه ـــــــــــــ الشاعر السيد حسن

 يا امه

*****

رحيل

شمس غايبه وليل أدينا أهو عايشين

عايشين ومش عايشين

هانم وست الهوانم واغلا ما في العالم

يعلم ربي العالم أد إيه أنا حزين

ذكراك بتوجعني ومين هيسمعني

يارب صبرني على بعادك يا امه

آآآه يا أمه

أد إيه وحشتيني أد إيه يا نور عيني

هان عليك تفارقيني

وتسيبيني في ضلمة ليل

رحيل

يا حته من القلب راحت ساعة الفراق

وبقيت ذكرى غاليه علي قلبي المشتاق

مشتاق تراب رجليك مشتاق أبوس ايديك

محتاج نظره تواسيني من حضنك عينيك

مين هيشيل همي وإن وقعت يسمي

عليا وحواليا

مين يا غاليه غيرك أنا منكرش خيرك

كتر والله خيرك فى الجنه ونعيمها

بدعيلك يا أمي ليل ويا نهار

يرضيك ويديك من فضله الغفار

آآآه يا أمه

تهد حيلي يا امه وآدي الحزن بضمه

مش عايز يبعد عني

غابت شمس الأمل خدها معاه الأجل

يا ساكنه في روحي ودمي

ولا صبر الكون دا كله يا امه يصبرني

بعادك عن قلبي وعني يا امه بيكسرني

ذكراك بتوجعني ومين هيسمعني

يارب صبرني على بعادك يا امه

آآآه يا أمه

بقيت بعدك غريب في الدنيا ولياليها

مليش بعدك حبيب وأحزاني بغنيها

يا روح الروح فين راح اروح

وأنا المجروح في غيابك

كل ما انسى بعادك همسه

اروح واخبط على بابك

تنزل دموع العين لما افتكرك يا أمي

ازاي هنسى الحنين وانتي بتضميني

واما باكون حزين تمسحي دمعة عيني

صورتك دايما في بالي ما بتفارقش خيالي

ولا غبتِ لحظه عني قصادي وقبالي

يا امه

الشاعر السيد حسن عبدربه

عَلَى بَابَك ــــــــ الشاعر أحمد شاهين

 عَلَى بَابَك

ــــــــــــــــــــــــــــــــــــــــــــ

أَنَا النَّدْمَان يَا رَبِّ البِيت

وَانَا الوَاقِف عَلَى بَابَك

بِدَمْع القَلْب انَا حَنِّيت

يَا رَبِّ اقْبَلْنِي فِي رْحَابَك

أَنَا التَّايِه شَرِيد وحَزِين

لإِنِّي فَارِقْت أَحْبَابَك

وِسِبْت النَّفْس لِلشَّيَاطِين

يَا قَلْبِي بَس إِيه نَابَك

بِجَد يَا رَبِّ انَا مَهْمُوم

وِرَاحِة نَفْسِي فِي كْتَابَك

وِهَالِك نَفْسِي ذَمّ ولُوم

أَنَا اللي فَارِقْت انَا بَابَك

أَنَا الظَّالِم وِمُش مَعْصُوم

وِخَايِف لَحْظَه فِي عْتَابَك

وِعِينِي ازَّاي يِجِيهَا النُّوم

وِغِفْلِت يَامَا فِي بْعَادَك

يَا رَبِّ الصَّدْر بَات مَحْزُون

وِعَشْمَان رَحْمَه فِي جَنَابَك

وِشِبْعِت نَفْسِي مِنِّي اللُّوم

وِهَايْبَه الوَقْفَه وِحْسَابَك

أَنَا النَّدْمَان يَا رَبِّ البِيت

وَانَا الوَاقِف عَلَى بَابَك

بِدَمْع القَلْب انَا حَنِّيت

يَا رَبِّ اقْبَلْنِي فِي رْحَابَك

ــــــــــــــــــــــــــــــــــــــــــــ

كلمات الشاعر أحمد شاهين

----- مصر -- أسيوط -----

جراب الحاوي ـــــــــــ محمود عفيفي دومه

 (..جراب الحاوي..)١٥٢

طلع الحاوي عنده بلاوي

تحت.... طاقيته

رابط الدنيا... ومجررها

ببكره.......... خيطه

ويمشيها .ويحركها

ويقومها ...ويبركها

عارف ضحكها... ويا وعراكها

وكل .حركه ...عارف.محركها

من .كتاكيته

اصله ..غاوي

يعمل. حاوي

ويلون حيطه

ينفخ..... ناره

ويأيد في شراره

ناسج ..حواديته

كل حكايه ليها تفسير

لو جيت نواحيه

كان... ف الشارع

ولا... في..... بيته

حد يقوله ياعم الحاوي

لم ..جرابك. وبعفاريته

اصل جد العفريت

ده ...انا..... عارفه

اسأله هايقول انا..ربيته

وان ..الجن.. ال.. بيجننا

انا ال حرقته ع النار وشويته

وحد. برده يقول للحاوي

ال كتبته.. انا برده قريته

وخدت .ال انا عايزه منه

والباقي ف. السله رميته

وان اخرامك جوه المركب

خرم بخرم انا.. سديته

وان كل. عمايله السوده

راحه .تخبط ..ع باب بيته

وماتخلي اخضر ..ولايابس

وهاتدردك

كل قالب. طوب.. م حيطه

وادعو معايا علي جن الحاوي

وقولوا معايا يخرب بيته

والنار.. ال بيفنخ..... فيها

لايطفيها

............لا تولع... بيته

بقلمي/محمود عفيفي دومه

أنا المعتقل ــــــــــ الشاعر السيد حسن

 أنا المعتقل

********

أنا المعتقل خلف الأسوار والبيبان الحديد

أنا المعتقل في زنزانة قلبها ضلمة وجليد

سجاني معندهوش رحمة ولا ذزة إيمان

فاكر إنه بسجني هيخليني عبد من العبيد

أنا المعتقل خلف الأسوار والبيبان الحديد

أنا المعتقل لكني حر وهم المسجونين

محبوسين جوه خوفهم من غضبة الملايين

ودم الشهداء على ايديهم لعنة ليوم الدين

بكره الحساب يجمع الكرب ليهم ولنا العيد

أنا المعتقل خلف الأسوار والبيبان الحديد

أنا المعتقل وكلمتي سيف على رقبتي

عمري ما ابيع الوطن ثابت على عهدي

مهما ياخدوا من عمري ولا من وقتي

قلبي مليان بالنور مليان بالأمل ولو بعيد

أنا المعتقل خلف الأسوار والبيبان الحديد

أنا المعتقل أنا المستقبل لأجيال جايه

أنا الحقيقة يا ولاد مصر الغالية البهيه

ياريت قبل فوات الأوان تفوقوا شويه

تتخلصوا من قيود الذل وطوق العبيد

أنا المعتقل خلف الأسوار والبيبان الحديد

من خلف جدران الصمت بنادي عليكم

اتحركوا خدوا حقكم من الظالم بأيديكم

مبقاش فيه وقت البلد أمانة في أيديكم

ليه ترضوا بالهوان والغربة والتشريد

أنا المعتقل خلف الأسوار والبيبان الحديد

ليه تسيبوا اللصوص تسرق منكم ومننا الحياة

وبدل العيشه الهنيه تعيشوا ونعيش في مر وآه

العدل عشان يسود بده رجال في وجه الطغاه

ميخافوش من الموت ويرجعوا لبلدنا العيد

أنا المعتقل خلف الأسوار والبيبان الحديد

الشاعر السيد حسن عبدربه...

مليش الأ حبك ـــــــ الشاعر هانى العاملى

 مليش الأ حبك

للشاعر د.هانى العاملى.

بحبك بحبك وهفضل

احب ياروحى فيك

وف دمى هحط

ريشه وارسم جمال

لون عنيك

ياللى الدنيا ديه

م تحلى الا بيك

يا روحى وحياتى

يا فكرى ف سوكاتى

وف قلبى مداريك

بحبك بحبك

ومليش الا حبك

وقلبى وهبتو

وهبتو ياروحى

ليك

تعالى تعالى قرب

تعالى

دانا حالتى حاله

وسبنى ابوسك

واطبطب عليك

الشاعر ،هانى العاملى،،

حبيب العمر ــــــــــ عبدالمنعم عدلى

 حبيب العمر

حبيبي زاد الشوق اليك

وبعثت إليك الخطاب

مع رسول الغرام

من ممشى الصبر والهيام

فتعالي

تعالي حبيب

فقد طال الإنتظار

ولظى القلب

لايهدأ ولاينام

وكل يوم

أناجى ألهة الغرام

كيف أصل إليك

أو يهدأ القلب وينام

حبيبي

أخبرنى أين أنت

إقرأ خطاباتي وراسلني

كى أقر عينا وقلبا

حبيبي

عل أن بحر الغرام

يوصل خطابات الغرام

حبيبي

أناجى اليل ومراسليه

تصل اليك

وتحمل كثرة شوقى اليك

هل تسمعنى حبيبي

فأرسل لى ملحق الأشواق

أنتظرك يامالك قلبى

أنتظرك يامن

تطفئ لظي قلبى

بقلمى عبدالمنعم عدلى