_______ راضي بالمقسوم _______
انا راضي بحالي وبالمقسوم
واللقمه في ريقي عسل
وعمري ما قلت انا محروم
طول عمري عندي امل
رب العباد أعلم بالمظلوم
وبرج الظالم فيه خلل
والسيرة الحلوه بتدووم
وعطرها يفووح زمن
تلقاها الف مره في اليوم
عايشه في قلب الوطن
انا راضي بحالي وبالمقسوم
وربنا اللي حارسني
وجوايا تلال وأكوام هموم
والقاع مهمشني
الحال إتغير بسواد مكتوم
ومين بيسأل عني
زرعوا حياتي مرار وسموم
والمرض خد مني
خطط كتيره ملهاش لزوم
من قبل بداية عمري
عناوين رنانه تمنها معلوم
وبريقها من صبري
في عيني مطر ورعد وغيوم
والخوف علي إبني
جيل صاعد طموحه النجوم
يعمر ويحب وطني
وبارضوا انا راضي بالمقسوم
وياريت حد يسمعنى
__________________________
...........حسن الشوان ...............
ليست هناك تعليقات:
إرسال تعليق