شكون قالك
شكون قالك تحط ايدك فيدي
شكون قالك بعد الغلاء تبدّلني
بالك اتظن تنقولك يا سيدي
بعد الجدب والقحط ال ذبّلني
بيدك طفيت شموع ليلة عيدي
وبيدك رميت الحبل ال كبّلني
وذبحتني وشقيت حبل وريدي
وتسأل تقول شكون زعمة قتلني
خليك بعيد ابعد بعيد اخطاني
ما عاد حتى شيء بيني وبينك
وما عاد ينفع كثرة اللقاني
اني غير و امري ما يعنيلك
و تقول راهي فدلكة بلعاني
من خزرتك كذاب بان فعينك
و بالزيف باقي تقولي يا ريدي
وتقولي فراق الغلاء هبلني
واني انقولك اليوم هذا عيدي
رميتك و ما خلّيت ما يخذلني
* مبروكة بنمنا *
ليست هناك تعليقات:
إرسال تعليق