" دُويتو غنائي " ما تحاوليـ ش
بقلم / على حزين
هي :
دقيقة من فضلك
هو
مستحيل ما تحاوليـ ش
هي :
لحظة واحدة , من فضلكْ ,
استنا , أرجوكْ ,
دقيقة من وقتكْ
من فضلكْ دقيقة واحدة
مش هــ تفرق معاكْ كتير
هو :
ما تحاوليـ ش ,
وما تـتـ سهوكـ يـ ش
أنا مش فاضي , مش فاضي لك
روحي , أنا مشغول
هي :
أنا عارفه أنكْ مشغول
بس دقيقة وهمشي على طول
طاب ثانية , ثانية واحدة
اسمعني أرجوكْ
هو :
أرجوكِ ما تحاوليـ ش ...
من فضلك سيبيني في حالي
وروحي كفاية اللي جرا لي
وابعدي عني وما ترجعيـ ش
حب تاني في قلبي ما تلاقيـ ش
أنا خلاص نسيت ما تفكرنيـ ش ...
هي :
طاب بص لي , اسمعني ..
طاب أرجوكْ افهمني
بص لي , كلمني .. أرجوك ارحمني
واديني دقيقة واحدة من وقتكْ
هو :
دا أنا ياما إديتك كتير زمان ..
إديتك الأمان والعطف والحنان
واديتك قلبي وعقلي وروحي وعينيَّ
وحاجات كتير كمان .. وحاولت أفهِّمكْ ..
لو هنتْ عليكِ في يوم ..
أنتِ كمان تهوني عليَّ
هي :
أنتْ ليه يا حبيبي قاسي عليَّ ..
ودايماً ظالمني وبـ تشكْ فيَّ
ارحمني وارحم دموع عينيَّ
أنا مستاهلـ ش منكْ كل دا
هو :
انتِ اللي اخترتِ طريقك مش أنا ...
مشيتِ مع صديقكِ وسبتينـ ي هنا
وفي بُعدِكْ ياما أسيتْ الويل والعذاب والضنى
والثانية في بُعدك عدتْ علي كم سنة
والنهارده جاية تقولي لي أنا , أنا ...
حبيبتك أنا ,عمرك أنا , لا مش أنا
أرجوكِ كفاية كده , أرجوكِ كفاية لحد كده
هي :
كانتْ غلطه وندمانة عليها .. كانت هفوة وسامحني فيها
أنا ما ليـ ش خاطر عندكْ .. وحياة غلاوتك وحبك عديها
يا حبيبي أنا عرفتْ قيمتكْ.. دا أنتْ عندي الدنيا وما فيها
هو :
القلب خلاص ما عاد ش قابل
وطريقنا ما عاد ش يوم يتقابل
أنتِ اخترتِ طريقكْ من الأول
كملي سكتك وحدكْ خلاص وامشيها
كفاية أرجوكِ لحد كده ..
أنتِ حبي وقلبي ما تستاهليـ ش ...
هي :
اديني فرصه أخيرة .. وأثبت لك حبي وإخلاصي
مستنية منك تأشيرة .. وأجيلك مشي على راسي
وسامحني يا حبيبي وجميلك اشيله لك فوق راسي
أنا يا حبيبي بحبك , وحبك ماليني, من ساسي لراسي
هو :
كفاية غش كفاية خداع ..
كفاية عمري معاكِ ضاع
في حيرة وعذاب وألم ودموع
مشيتي من غير وداع ...
وسلمتِ قلبي للضياع
واخترتِ البعاد والعناد
وطفيتْ أنا بـ إيدي الشموع
شوفي مين فينا اللي خان
ومين ظلم ومين اللي باع
وجاية النهاردة طالبة مني الرجوع
ما تستاهليـ ش
هي :
دقيقة من فضلك
هو
مستحيل ما تحاوليـ ش
هي :
من فضلك , لحظة وحدة
استنا أرجوكْ ,
**********************
مساء السبت / 30 / 10 / 2021
على السيد محمد حزين ــ طهطا ــ سوهاج ــ مصر
