( فين الحب اللي اتصورته )
قلبي إدالك حب كبير
وانت هجرت وظلمت كتير
وعقلي سرقته من غير تفكير
وكان لهواك ياحبيبي أسير
وإنت بتظلم وعمال تهجر
وقلبي دايماً كان ليك يعذر
وكان يقوللي اخر إنذار
وما كنت اسمع حتي اعذار
واتمنيتك تِحِن عَليا.
وإيدك تمسح دمع عنيآ
وانت تقيد فيا النآر
يآما اشتقت وانت تغيب
واقول معلش برضوا حبيب
بكره يرجع ويبقي قريب.
ياما سهرت الليل يااحباب
ابكي واقول كفايه عذاب
تعالي انا قلبي في حبك داب
وقلبي يرد بِلُومْ وعتآب
قاسي وناسي ليالي الود
وكمان ناسي الوفا والعهد
هو يعني عشان حبيتك
تطمع فيا. وتزيد في أساك
ولا عشان طيبتي معاك
تنسي الود بيني وبينك
ّْ أنَآ إنسانه مليانه إحساس
وكان الحب عندي أساس
مش محتاجه لا مال ولا ماس
ياريتك تفهم يابن الناس
يآما إتحمل قلبي منك..
ويآما شاف الويل من حبك
فرق كبير بيني وبينك.
في قلبي حنان وأسوه في قلبك
فين الحب اللي اتصورته...
وإتمنيتُه من يوم ماعِرفتُه
وبعد ماكان جنه رَسَمّْتُه...
قسوة قلبك خلاَّتني كِرِهّْتُه
خَلِّيتّْنِيِ أعيش الحُبّْ خَيآل.
وقلبك جاحد مش ميآل
العِيشه صبحت بينا مُحال
كفآيه مرآر وعذآب للبال..
الحب إحساس وياه أفعال
ولما تلاقي حب جديد...
هتمنالك تبقي سعيد
ولما هتبقي عني بعيد.
هدعي ربي يبعتلي حبيب..
ميخليش الحب أوهام
ومهما گان الحب نصيب..
هنرسم له دايماً أحلام
خواطر ( أشرف الدغيدي )
ليست هناك تعليقات:
إرسال تعليق