جوه الأجنده بقلم أحمد شاهين
وجوه الأجنده كتير ذكريات
ودرج الرسايل ملان بحكايات
ودلفه وفيها هدايا وهدايا
وغنوة حليم بداية الحكايه
حكايه غرامى وعزف لفريد
وما نسِيتش أبدآ حٌبى الوحيد
شرايط كاسيت تاخٌدنى ساعات
وفايزه وورده وشاديه ونجاة
وجوه الأجنده كتير ذكريات
أغانى لصباح وهانى وعماد
وغنوه لمٌحرم تهِز الفؤاد
ندم والندم بأيه راح يفيد
ما ضحيت بقلبى وشوفتك سعيد
لأنى مصدق بغِنوة فريد
يضيع الأمل فيسمو الغرام
وعمر ما فرّق ما بينّا الخِصام
ولا قدرت أنسى فى يوم اللى فات
وجوه الأجنده كتير ذكريات
ما بين السطور مشاعر وشوق
وقلبين وحِلفوا تضيع الفروق
مفيش قلب تحت ولا قلب فوق
وتاهت مشاعر وعزفت نايات
وجوه الأجنده كتير ذكريات
قِدّرنا نفارق قِدّرنا نتوه
وألمح عيونها فى كل الوجوه
وشبح الفراق ياريت يقتلوه
دا دمر حياتى وعِشت فى شتات
وجوه الأجنده كتير ذكريات
قفلت الأجنده فارقت الحياه
فتحت الأجنده دى طوق النجاه
باعيش جوه ماضى وقابل وراضى
أكمل حياتى فى بحر السٌكات
وجوه
الأجنده
كتيييييير
ذكريات
كلمات أحمد شاهين
ليست هناك تعليقات:
إرسال تعليق