//////+++لو كان لبحر+++//////
لو كان لبحر مداد نداري به
نرجع لسطر نتكايس عليه
ا نديرو ارفاڴة ووناسة
نخلق منو كل غراسة
ونخليه لناس طيب يفوح
ويرجع لشي بعضين الروح
ماشي بحال بعضين هضارة
من ابعيد تظهر لغذارة
لاثيق ف الثعلب وداك ذيب
احسب راسك واحد اغريب
لدخلتي لبحر كون عوام
لا تفوت الشط را الموج درام
اهل الحرف طريقهم فراحة
ماشي غذرة ماشي جراحة
حرف بسمة السربة وفراجة
موسمها كلام ماشي عجاجة
لاتكون ذيب ومضرڴ ف لحليب
لابد شمس ماترحل وتغيب
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق