يا نازلة مالعين
يا نازلة مالعين هبّلتيني
ريت هلال العيد يمشي بعيني
يا نازلة مالعين باللّه صُبّي
حتى قطيرة نبل بيها حُبّي
مولود صايم من خلڨني ربّي
نرجى في يوم العيد وعرضتيني
نفرح و نعيّد ؟ ولاّ نكذّب عيني ؟
يا نازلة مالعين عذّبتيني
ريت هلال العيد يمشي بعيني
يا نازلة مالعين و اللّه دايخ
و قراولي"ياسين"زوز مشايخ
لو تطلبي العينين نعمى شايخ
غير تربحي في الأجر كي تداويني
يا نازلة مالعين هبّلتيني
ريت هلال العيد يمشي بعيني
يا نازلة مالعين صُبّي كاس
و أقري عليه الفاتحة و النّاس
مسحور وكيما ڨال سيد النّاس
ملزوم من ساحرني هو اللي يرقيني
يا نازلة مالعين دوّختيني
ريت هلال العيد يمشي بعيني
الشاعر حسين الدريدي
ليست هناك تعليقات:
إرسال تعليق