السماح يا منة
تعبنا
و حتى التعب
تعب منا
الدمع حلف يمين
ما ينزل على خدود منة
و الشوك قتلاته الحشمة
و قال وعد ما نكون
كان في كفوفك حنة
الصبر ضاق بيه الحال
و قال محال منة السمحة
هي طيبة و تتحب
في رمشة عين و لمحة
قام الامل و خبى وجهه
مستغرب كيفاش نجرح
منة لو بجرحة
بكى الفرح و قال
كيفاش ما فرحتها
نتعدى قدام بابها
و لا يوم صالحتها
رد الورد قال كيف
بشوكي جرحتها
و هي نسمة ع الخد
يا ريت يوم ما هجرتها
رديت قلت سماح
للي جرحني
و للي بكاني
و عمره ما فرحني
و سماح للي حكى في ظهري
و في وجهي ما صارحني
و سماح للي ضحك ضحكاات
و في ظهري بسكينته ذابحني
و للي مديتله ايداي
و في وسط الطريق لوحني
و سماح للحظ الجميل كي لقيته
على حبال الدمع و الحزن مرجحني
منى بابوري
ليست هناك تعليقات:
إرسال تعليق