بخيالي رسمتها
...................
بخيالي رسمت أنا صورتك
كنتي الهامي اوصف ملامحك
كأنك قدامي أهتم بالتفاصيل
ساكنه وجداني بقلبي شايفك
صورة رسمتها من خيالي
أنشغل في وصفها بالي
مين شاغل قلبها ده سؤالي
إيه جرالي جذبني عشقها
نسيت إني بإيدي رسمتها
في مرة صدفه قابلتها
نفس الصورة إللي رسمتها
روحت عشان أنده عليها
لقتني مش فاكر إسمها
رجعت وأنا حزين مهموم
وطار من عيني النوم
لو أخطر ببالها يوم
أو يحن عليا قلبها
لكن ماخطرش ببالي عشقها
في أحلامي رأيت صورتك
إنشغل البال لما شفتك
طيف الغرام بعت مرسال
بكلام أتقال جاب سيرتك
لقيتك أوبالي بكل ملامحك
أتبدل حالى بقيت عارفك
مانا طول عمري شايفك
صورة بخيالي بأيدي رسمتها
بكل معاني الجمال رسمتك
مانتي قدام عيني شايفك
رموش العين شطين ببحرها
بالخد ورد والشهد بشفايفك
سكنتي شراييني ووريدي
الشوق لهمسك نارو تقيدي
حتى إسمك صبح نشيدي
لتعذيبي رسمت صورتك بإيدي
بقلمي وألمي بقلبي نقشتها
.....
بقلم.الشاعر
الأمير_محمود
ليست هناك تعليقات:
إرسال تعليق