( عدى عليا الفرح ) :
عدى عليا الفرح
زغرط وراح ماشي
ٱل جي يشمت فيا
قلت ما يجراشي
بجملة الأحزان
وبجملة القهره
اذا كان حبيب القلب
اللي ماليش غيره
قاللي ثواني وجي
وراح ولا جاشي
انا عشت عمري ليل
ونهاري خاصمني
وشفت ياما الويل
والهم طايلني
والحزن خيره كتير
دايما بيعزمني
وعزايمه ايه غير اسى
بينتقم مني
عدى عليا الفرح
وقاللي ده بعينك
عندك يا صاحبي جرح
يفصل بيني وبينك
روح جدد الأحزان
وعيشها مع نفسك
سيبني أنا للهنا
والسعد مع خلي
اما انت يا مسكين
روح ربنا يعينك
انا عشت عمري سنين
تتعد بالثانيه
في كل لحظة انين
ماهيه دي الدنيا
مالهاش امان يا حزين
ع الغلبانين جايه
امتى دامت ولمين ؟
دنيا صحيح فانيه
بقلمي الشاعر جمال زكي عينر
ليست هناك تعليقات:
إرسال تعليق