((((((مش عايزة منك ورد.))))))
قالتلي مش عايزة منك ورد
كدا يبقى هان الود..
زعلت وبتقولي مش عايزة منك ورد..
بالذمة الكلام اللي كاتبة حد يبعته لحد..
اسمع ياحبيبي في الحب الهزار مقبول والصبر مطلوب والحلم ممدود لكن ترمي بصراحة الطوب على الخد.
كلامك بصراحة فاق الحد.
مش عايزة منك غير الود وبوسة حنينة على الخد وطالما الورد غلي يبقى مش عايزة منك ورد.
رديت عليها وقلتلها٠ أعمل إيه فيكي..
الورد كله إللي في الدنيا لو بإيدي أقطفه ليكي..
هو الورد يبقى ورد غير لماتمسكه إيديكي.
...ولسه زعلانة وبتقولي مش عايزة منك ورد.
قلتلها أعمل إيه في جنانك.
سبحان من كبر جمالك وعلا شانك.
أنا روحي اتنازل عنها على شانك.
اوعي تقولي إن قلبي في يوم خانك..
....ولسه زعلانة وبتقولي مش عايزة منك ورد....
قلتلها أعمل إيه علشانك.
لو بايدي أخلي كل الناس خدامك.
واعمل من الشمس سلسلة تزين صدرك والنجوم خواتم والقمر حلق في ودانك.
...ولسه بتقول مش عايزة منك ورد..
في العشق والحب كل الكلام اتقال.
من اول عبدالوهاب لحد الريس متقال..
وانا معاكي ياحبيبتي أفعال لا أقوال.
معاكي يا فرحة عم ي هاحطم سدود واقفال.
وافتح شباكي على الهوا وأقرأ كل اللي في الغزل اتقال..
وافتح ينابيع الهوى واجمع دا كله في موال.
وتمسك ايديا في ايدك ونمشي نكيد العزال.
ولسه زعلانة مني وبتقول مش عايزة منك ورد..
أشرف محمودعيسى
ليست هناك تعليقات:
إرسال تعليق