( حُب لسه جَنين )
ده مهما يكونلُه جوايا غرام وحنين
ماهقبَلشي إني أتحنّن في قلبُه سنين
ولا هشحت حنان أو حتى شوق منه
عشان ما أبقاش أكيد عبرة بين العاشقين
وأدفن قلبي ومشاعري ده لو حنّوا
وهقتل حبُه وأتخلّص كمان منه
وهو مازال أكيد لسه في قلبي جنين
ده مهما يكونلُه جوايا غرام وحنين
في بادئ الأمر مني كان بيتهرب
عِرفت بإنه يعني أناني كالعادة
وقال أنا كنت عليه ساعات بصعب
فكان ويايا طيب يعني بزيادة
فقررت إني على حبه راح أتغلّب
لا يكمل يعني ولا يوصل بقى ولادة
وأعلّم قلبي من تاني إنه يرجع بِكر
ويقفل بابه على نفسه ويبطل فِكر
مادام قال إنه في حبه يا قلبي حر
ف نقطة أكيد ونعرف البداية منين
ده مهما يكونلُه جوايا غرام وحنين
مادام هو اللي كان رافض يا قلبي الحب
فلازم يعني على رفضه ده يتندّم
وحبُه اللي ماكمّلشي ساعات في القلب
خلاص بإيديا همحيه وهتعلّم
وتربة قلبي غير صالحة أكيد للكدب
مايزرعشي فيها طبعاً غير الأسلَم
مادام يا قلبي كان فعلاً معاك جاحد
وكان الحب دايماً من طرف واحد
ف بكره يكون على نفسه أكيد شاهد
ويندم ع اللي يوم قالُه سنين وسنين
ده مهما يكونلُه جوايا غرام وحنين
بقلمي عبدالحميد وهبه
