تيجي يا حبيبي
تيجي يا حبيبي
نتصالح وكفاية
زعل ليلة امبارح
ليه تقعد زعلان
متنكد مشغول
البال فكرك سارح
ودي آخر مرة
هنتخاصم أنا وانت
من هنا ورايح
نحل مابينا بهدوء
يا حبيبي ببساطة
نقعد نتصارح
نتعاتب ولافيه
ظالم ولامظلوم
وفي الآخر نتسامح
من نظرة عين
او لمسة ايد نتبسم
وبعدها نتصالح
بعد شويه هننسى
زعلناوننسى
ماجرى ليلةامبارح
وتقولي حقك عندي
انت كريم
ياحبيبي ومسامح
واقولك اغفر ماكان
مني عمري
ماقولك كلام جارح
شاعر العامية /عبد المنعم حمدى رضوان
ليست هناك تعليقات:
إرسال تعليق