كراكيب ــــــــــــ علاء محمود

 

كراكيب

قَلّبت ف الكراكيب...

طَلّعت كام ضحكة...

رسمتهم ع الوش...

فى عتمة السكة....

.....

يا موزعين الهموم..

زودتوا ف منابى...

منين أجيب النوم...

فى بُعد أحبابى...

.....

عاشق ومالى حظ..

واللى عشقته خان..

كان غالى كان الأعز...

طلع الملاك إنسان...

....

حبيته فوق الوصف...

ما صب وإدانى...

غاب عن هوايا ولف...

ووصفنى بالجانى...

.....

أصل الحكاية ورد...

كانت ف أولها...

حَلّفوا يصونوا العهد..

خانوا ف أخرها...

......

.فى الحب يا ما قلوب...

حبت ولا طالت...

لا هان عليها تتوب...

ولا من الجراح طابت..

كلماتى علاء محمود