(ماهيش فارقة)
وجودي جانبُه أو بُعدي
مادام قرّر وقال لأّه
وحياتُه عايشها من بعدي
وهكتب تاني سطر جديد
وقصة حُبُه هشطُبها
مافيش ليها قرار تجديد
دي غلطة مش هتتكرر
مجرد قصة مش أكتر
لا بُعدُه فيا هيأثّر
دي فتره وبكره هتعدي
مادام فعلاً ماهيش فارقة
وجودي جانبُه أو بُعدي
مادام بالنسبة لُه عادي
ومش فارقة الحكاية كتير
أنا بردوا هأعيش راضي
ولازم أحّس بالتغيير
خلاص تجربة وعدت
لا دنيا بعدها أتهدِت
ولا يعني هأموت بَعدُه
دي قصة عادي وإتقفلت
مسير بكره الحياة تحلى
أكيد يعني اللي جاي أحلى
وبكره هبتدي رحلة
وهأوصل حتى لو وحدي
مادام فعلاً ماهيش فارقة
وجودي جانبُه أو بُعدي
بقلمي عبدالحميد وهبه
ليست هناك تعليقات:
إرسال تعليق