جوا القلب. بقلم / احمد شاهين
كل أخبارك عارفها
دمعتك لسه شايفها
لما قولنا اخر كلام
واللى جوا القلب باقى
قلبى مش قادر يلاقى
زى قلبك فى الغرام
والحكايه عايشه فيا
لو تمر سنين عليا
هى واحده. والختام
كل يوم بسأل عليكى
حتى ايه شايفاه عينيكى
واروح اشوفه بالتمام
والسنين بانت عليا
من ملامحى من ايديا
لو يعدوا الف عام
طول ما بتنفس واعيش
لسه واقف تحت شيش
افتحى يلا اوام
ذكريات ملكك وملكى
نفتكرها عينينا تبكى
مالى. ارواحنا السلام
مالى
أرواحنا
السلام.
كلمات. / احمد شاهين
ليست هناك تعليقات:
إرسال تعليق