(( لسساني ))
_____________
لساني ولانسيت.......
وأظل طول عمري لك متاني
مشتاكلك وحنيت....
ابجيك وأنوح طول الليالي
أدريك نسيت....
وضيعت اسمي وعنواني
شتلتك جرح.......
ينزف تيزاب أعله شرياني
بعدك غريبه الروح.....
محد مرني ودك بيباني
سهران.......
انطر جيتك أنعاك وتنعاني
انت وحدك........
عزيز الروح ولجيتك أظل متاني
على العهد ظليت.....
لاتصدك أخون وأضيع حلفاني
ذابل ورد الروح.....
عطش بعد ماجان يزهي بستاني
عافوني ربعي وحيد.......
انشد عن حالي جيراني
غريب والغربه.....
ثكل بيهه حمل متوني وعوز الليالي
غشيم ماحسبت....
وكت الضيج تضيع خلاني
سهران الليل أعد النجم
جرح يهيد وجرح جديد ينعاني
منذور توالي العمر....
اذا جفك يوم دكت بيباني
وأحظنك بلهفة شوك
وأشجيلك جوري وحرماني
وأذبح سنين عمري
لشمة هدومك وأظل متاني
ولو ميت....
على صوتك حي راح تلكاني
أزامط الشمات واكول
هذا عزيز الروح جاني
واتسامر وياك......
وأشجيلك بالدمع لوعات زماني
أفتر الوكت وياي
نخيت الردي وماأنتخالي
خناجر بصدري.....
وجروح بالجبد سعيريه نار الغوالي
دلال مجفيه.....
وأظلم بعدكم ظل ديواني
قلمي......
الشاعر والأديب
خضر عباد الجوعاني
العراق
ليست هناك تعليقات:
إرسال تعليق