رسالة الى جاهل :
علشان تعرف تتكلم
روح الأول واتعلم
بعديها تعالى نافسني
امسك قلمك وبارزني
خللي الجمهور يتفرج
واحد فينا حيتخرج
والتاني يروح لامه
يشكيلها خيبته وهمه
يا حبيبي العب على قدك
شوف نفسك والزم حدك
لما تفكر تتحدى
شوف لك واحد على قدك
وبلاش هلفطة وحاجات
بتلقح زي الستات
نفسي تكون راجل يا ابني
وف وشي تعالى واجهني
لكن راح نديك عذرك
علشان فاشل طول عمرك
مشكلتك شايف انك
ناصح اوي ومفيش منك
مع انك صعبان ع الناس
لكن لا شعور ولا احساس
مش حاسس انك جاهل
ولا عندك افكار في الراس
ياللا هناخدك على قدك
ونسايسك ونبوس خدك
مش معناه عايزين نراضيك
ولا عايزين نكسب ودك
ولا برضه عايزين نرازيك
ولا عايزين نبقى ف ضدك
نفسنا بس تكون موزون
تعرف رجلك من يدك
بقلمي الشاعر جمال زكي عينر
ليست هناك تعليقات:
إرسال تعليق