......... و غيرت عنواني .......
مش ح رد عليك ولا ح عبرك
ولا ح قرب منك وأشكرك
عشان سهلت عليا أفهمك
ومتستاهلش مني أكلمك
ولا أوضح ليك أي معاني
لأن أسلوبك هرب منك
وخلتني أحس إنك أناني
وبتظلم الناس بسوء ظنك
وظلمتني انا وخلتني جاني
وما صدقتنيش لما بقولك
وكتفت الكلام علي لساني
كده ح تخلي الكل يبعد عنك
وقلبي ح يكون هو الأولاني
وأنت بتألف حكايات وأغاني
عيشها لوحدك ولحنها بلحنك
مش ح رد عليك ولا ح عبرك
ولا ح شغل بالي بيك تاني
ولا تستاهل كمان أفكرك
بوعووودك معايا والأماني
وكام مره قلبي قالك وحذرك
ولفت نظرك كتير لكل المعاني
خلاص بقي انا فاض بيا
وعيش بقي لنفسك وحداني
وكفاية الطيور كلها حواليا
روووح بقا لحالك وإنساني
وأواعي تحاول تفكر فيا
لأن قراري نهائي وغيرت عنواني
..........................................
........ حسن الشوان ..............
ليست هناك تعليقات:
إرسال تعليق