بعد إذنك
.......
بعد إذنك ممكن أكتب
سطر واحد م الحكاية
أصل دم القلب نازف
وإنتي عارفة
إني حاسس كل حرف من المشاعر
وإني شاعر نهره جف
وإن صف الحجز طال
واللقا أصبح محال
بعد إذنك..
تسمحيلي بسطر تاني
مانتي عارفة
إن نُص الحلم ..خدعة
وإني بدعة
عاش ف وهم
إن نََصْْ المسرحية
إتكتب علشان عينيه
وف نهاية العرض..شوك
وإن بحر الشوق ف قلبه
كان...سراب
عدّى باب الحلم لحظة فأكتشف
إن حلمه بألف باب
وإن ريح الغربة هب
والفراق أصبح قرار
تسمحيلي .. بعد إذنك
إني أموت..
قبل ما يشدوا الستار .
محمد البنا
..........
يونيو ٢٠١٥...أسوان
ليست هناك تعليقات:
إرسال تعليق