خواطر بوهالي
البقاء لله
مال الحال غيم ف البستان
الورد ذبال ف وسط الفدان
العساس اصرف المحصول
واتحكم ف لمكان
عايش مع الفقراء بالمجان
الحياة اتمكن منها الشيطان
ؤ فوق المنبر
الامام ايقولها ب فصيح اللسان
خير الانام
اتكلم على هاد الزمان
لا من يرحم الجوعان
لا من يرحم العطشان
كلها يقول أ راسي
غادي مع الطوفان
اطوال البنيان
و اصبح كولشي امريض عيٌان
السما صافية
والشمس صبحان ف خبر كان
الرجوع للرحمان
يا هاد العربان
راه لقوي فيكم عريان
راه اكثر الطغيان
راه كل من عليها فان
دير ؤ بقي
والله كولشي بان
القدس تنادي
راه يحكمها جبان
والأرض قريب يترفع منها القرآن
كون اسبع
والباقي كلهم جردان
هذا كلامي
اضرب ليه لحساب مزيان
بقلم
محمد لمراحلي
ليست هناك تعليقات:
إرسال تعليق