...............(يد البشر).......….......
ياصاحبي ربك كريم ماينسي مخلوق
ومن توكل بغيره ذاق العناء والتعب
يد البشر بخيله ما تشفع لقلب مخنوق
والناس لاشافت المهموم تغمزه بالعجب
ياكم رفيق كنت أظنه الدرع والطوق
سابني في ساعه الشدة لحالي وهرب
وكم عزيز له في القلب مقام مرموق
دار لي قفاه وظهره من دون اي سبب
دنيا بها العجايب من غروبها لشروق
محد بها سالي مهما نال أعلى الرتب
كلين له مقسومه من الهموم والحروق
وكلين لابد ماينال قسطه من التعب
الفرق بين الناس واضح بكل الفروق
حد يواجه الدنيا ببسمه وحد بغضب
حد يبتسم لناس و لوخاطره مخنوق
وحد يزيد هم الناس بغروره والعجب
محد يحس بجرحك ولوجروحك تنوق
ولاحد يسمع انينك مهما دمعك سكب
الكل مشغول بحاله حتى راعي الذوق
ان جيت تشكي له ردك بلباقه وأدب
ماهمه جرحك ولااوجاعك ولا يروق
له ماجرالك من عذاب مضني ولغب
والله لو تقلب الدنيا من تحتها لفوق
ماتلاقي أنسان يوفي بوعده والصحب
أبورأفت إبراهيم الشعراني
ليست هناك تعليقات:
إرسال تعليق