صحبة ورود
دورت على ام بين الأمهات
لقيت امى احلى من كل الستات
لفيت على حنانهابين الجميع
لقيتهم حاجة كدا من حديد
بصيت بعد كدا ع الاخلاق
لقيتها ملكة ولعرشها بريق
دورت كتير فى كل الوجوه
يمكن الاقى يا امى البديل
ملقتش فى كل القلوب
غير كتير من الجحود
امى الأصيلة فى كل الوجود
هيه الحنان من غير حدود
امى التاريخ لكل الكون
حاجة من زمان لكل العصور
امى الزمان لحظة ميلاد
امى الربيع لما يعود
امى البياض جوه القلوب
هيه الحنان لما يفيض
امى الحياة بعد الرحيل
حتعيش سنين مهما تغيب
امى الجدور لشجرة ورود
تفوح بالعطور لو ف القبور
امى ف قلبى مهما تغيب
تكبر ف روحى وتشع نور
امى الحبيبة هديتك صحبة ورود
يا ترى حسه ولا غبت عن الوجود
كلمات
الشاعرة ايمان الشخيبى
ليست هناك تعليقات:
إرسال تعليق