ولا انى مش عارف
....
ولا انى مش عارف
بجازف
الخوف
اللى بيلاقف
خطوة الجايين
للسنين
السوده
والحافيين
مش همه
دول هدمتين
للشتا طوبه
وللصيف باونه
من حر قيلة
ف النهار والليل
مواويل
بتتغنى
بغنا العصافير
الحلم ازميل
للبنات الحابين
يمكن سنين
التوهه والحرمان
تفيض
غربال نفيض
بيفتش ال هربين
م القول
الحلم غول
عمال بيرمى ف
الوسع والديق
تطلع طريق
الغنوه بكام موال
خيال ياروح
بتبوح لكل الخلق
ساعة م طلق
الكون يكون
ولا انى مش عارف
اخون
مش كنت حبيتك
مش كنت يوم جيتك
انتى اللى شارده
م الحديت والقول
ساعة م انول
الرضا وترضى
جايلك ومتوضى
وف ايدى سبحه
وادان ...
صوت الازان
بيرق القلب من جوه
كان واد فتوه
بيحوش لكل البيوت
التوت
ساعة م افوت
واستنى تردى القول
اكون انا
ميت
بقالى حول
ولا انى مش عارف
خايف لقلبي يقول
....
نصر هاشم
ليست هناك تعليقات:
إرسال تعليق