( ارفع راسك ) :
ارفع راسك بص لفوق
عينك مش مكسورة لحد
ايوه اتواضع خليك ذوق
لكن اوعى تبص لتحت
اوعى تبيت مرة جريح
اوعى تطاطي لأي عدو
خليك ثابت ضد الريح
مهما يشد عليك الجو
اوعى تفرط يوم في كرامتك
مهما تضيق بيك الأحوال
ارفع راسك وارفع رايتك
مهما يقل معاك المال
المال عمره ما يصنع راجل
ولا عمره يكون لك معيار
واجه ازماتك ومشاكلك
واصمد لو يرموك في النار
ارفع راسك واحفظ ناسك
اوعى تهون يوم في العرض
لو حد ف يوم هان احساسك
هد الدنيا وشق الأرض
بقلمي الشاعر جمال زكي عينر
ليست هناك تعليقات:
إرسال تعليق