بتاريخ 12/2/2021
قصيدة ( الصرخة )
بقلم الشاعر المصري
د.احمد إبراهيم النجار
________________
لو مكاني هتعمل ايه؟
لما تحلم بالأماني
متلاقيش لحظة شروق
والغروب مكتوب عشاني
والحنين مشتاق لضؤ
_______________
لو مكاني هتعمل ايه؟
لما تصرخ بالأغاني
فوق جدار الصمت فوق
او تدوق برد الحدود
بين شريد طالب لجؤ
بين حدود كل المواني
_________________
لو مكاني هتعمل ايه ؟
كنت سيد فوق ترابي
كنت عايش جوه بيت
كنت بكتب حلم تاني
بين جدار كل بيت
السلام
والامان
والمكان بس كان
كان حلم فاني
________________
لو مكاني هتعمل ايه ؟
فوق جدار المستحيل
اللى ماصص في دمائي
م الدواعش ف الطريق والدواعش مش فصيل
________________
كل داعش
اللى سارق
واللى مالك
واللى واخد
واللى قاطف
بسمة الطفل الرضيع
________________
لو مكاني هتعمل ايه ؟
اللى واكل واللى عايش
قلبه معدوم الضمير
طفل سوري
طفل يمني
طفل ليبي
طفل قدسي
او عراقي
فوق نيران شعلة حريق
_______________
لو مكاني هتعمل ايه ؟
جوع وموت غدر وجحود
من دواعش عصرنا
اللى سارقين حلمنا
كم شريد طالب لجؤ
بين دروب كل الحدود
________________
لو مكاني هتعمل ايه ؟
ملعون يا صوت
برميل ونازل ع البيوت
ملعون ملعون يا ليل
كاسي السواد على حيّنا
_________________
ملعون جيوش
كل اللى احتلال
واخده خيرنا
وسرقه منا شمسنا
واللى بيساعد نظام
واللى قابض بالدولار
________________
واللى عايش ف القصور
ف النعيم واللى أعمى
عن صراخ كل البنات
والرضيع مشتاق ينول
حبة حليب كل بيت
كل بيت مسكون بهم
________________
لو مكاني هتعمل ايه ؟
لما زاد الظلم ظلم
لما ضاع بالغدر حلم
كان بيحلم بيه رضيع
انه يكبر فوق تراب
________________
مليان بعطر
بس ساكن
الف الف الف غدر
واحتلال كل الدواعش
الغيلان متفرّقين
________________
بين الدروب
والمواني
والمباني
وع البيبان
سارقه فجر منى فاني
لو مكاني هتعمل ايه؟
________________
بقلم الشاعر المصري
د.أحمد إبراهيم النجار
ليست هناك تعليقات:
إرسال تعليق